比利时抢Ｗ麦失良机

强阵远征争响头炮

今晚深夜欧国联A2赛事，「新升班」嘅丹麦主场火併比利时。两队今次国际赛均挑选最强阵容应战，虽然丹麦整体实力唔曳，不过面对球星如云、近10场全胜嘅「欧洲红魔」比利时，级数始终仲係差一截，比利时远征争响头炮，客胜可以放心捧场。

丹麦主将状态麻麻

丹麦上届欧国联B4录得2胜2和，获得升班A组资格，喺欧国盃外围赛亦取得4胜4和不败成绩，以小组次名跻身决赛周，表现实而不华。不过佢哋过往对手大部分都只係二线球队，今次欧国联升上A级，将要面对顶尖劲旅，何况一众主力如基斯甸艾历臣及卡斯柏舒米高等人，季尾表现同状态都麻麻。

比利时上届无缘4强，今届捲土重来，喺意甲翻身嘅卢卡古负责攻坚，皇马中场夏萨特后上支援，佢哋对上10场国际赛录得全胜，每场赢至少2球，实力超晒班，今场捧客胜冇走鸡。