西部联勐火开W

射手贝利沙养精蓄锐

澳职季后赛第1圈，西部联与布里斯班狮吼喺中立场悉尼交锋，两军于常规赛分别排第5名及第4名，仅有1分距离，实力不相伯仲，但论近况，西部联更胜一筹，佢哋近8场联赛取得6胜2负，合共攻入23球，火力强大。反观布里斯班狮吼近4场仅1胜，双方状态高下立见，首选西部联客胜。

首季参加澳职嘅西部联度过季初适应期之后，表现愈战愈勇，近8场赢6场，而且当中不乏大胜，包括赢中岸水手6比2、大炒阿德莱德联5比1，代表作一定是早前作客以2比1击败常规赛冠军FC悉尼，并成功取得季后赛资格。西部联上场不敌第2位嘅墨尔本城，皆因佢哋当时已稳夺季后赛席位，正选阵容收起首席射手贝利沙，直至65分钟先至派佢上阵，明显留力今场生死战。

狮吼无复停摆前勇态

35岁老将贝利沙今季澳职有19球进帐，包括首循环作客布里斯班狮吼射入1球，协助球队赢2比0，呢位科索沃射手近4场联赛都取得士哥，合共轰入5球，脚风非常顺，西部联要撕开狮吼防线，并唔困难。

狮吼喺澳职重开之后，4场联赛仅取得1胜2和1负，而且所赢对手只係排尾2嘅墨尔本胜利，可见狮吼并未恢复赛事停摆前嘅佳态。事实上，狮吼近年积弱，上季未能打入季后赛，前季季后赛喺第1圈已经出局，今场遇上大勇嘅西部联，恐怕难逃一败。