PSG莱比锡大显身手
麦巴比复出斗狂牛
欧联4强大战，争做4冠王嘅巴黎圣日耳门（PSG）喺中立场葡萄牙，同首次杀入4强嘅「德甲狂牛」RB莱比锡争夺决赛席位。莱比锡踢法进取，今届欧联9场8场有入波，PSG则有基利安麦巴比伤愈回归，球队攻力倍增，佢哋近年对德甲球队都多波入，2.5球入球大有买趁早。
RB莱比锡喺少帅拿高斯文带领下，欧联路上过关斩将，以新丁姿态于8强以2比1搞掂马德里体育会，证明即使迪姆华拿转投车路士，亦无损球队攻击力。美国小将泰拿阿当斯后备上阵成奇兵，连同呢场8强在内，RB莱比锡由分组赛到8强，9场赛事有8场都能够取得入球，当中6场总入球开3球或以上。
斗德甲兵旺入球大
圣日耳门已赢得法甲、法足盃及法联盃，喺国内所向无敌，球会一直希望染指欧联锦标，目标直指「4冠王」，佢哋喺8强以2比1反胜阿特兰大，虽然尼马成为赛事MVP，但真正令球赛起变化嘅，係60分钟换入基利安麦巴比，喺呢名法国前锋带动下，PSG表现判若两队，麦巴比已经完全伤愈，4强战肯定正选上阵，圣日耳门不愁入波本钱。
欧联9战只失5球嘅PSG，今场有门将基罗拿华斯受伤缺阵，相信佢哋会以攻代守，弥补后防问题。事实上，PSG攻力超强，由去年9月底开始38场赛事，只有1场冇波入，2020年踢过21场赛事就射入67球，平均入波多过3球。此外，PSG近6次喺欧联对德甲兵，全部都有「士哥」，包括4场喺淘汰赛阶段嘅赛事，上述6战有5场总入球达3球或以上，相信今场同踢法进取嘅RB莱比锡会合演一场精彩嘅对攻战，2.5球入球大值得捧场。
