力争神射手

英超「柱男」丹尼艾格斯

丹尼艾格斯堪称「英超黑仔王」！原来呢名修咸顿射手同曼联嘅拉舒福特，都係今季射门中柱最多球员，总共有6次，如果呢6脚化成入球，丹尼艾格斯早已超越占美华迪领先神射手榜。

现时占美华迪以23球领先神射手榜，丹尼艾格斯21球排次席，奥巴美扬20球排第3，大家仍然有机会争神射手。不过翻查赛会记录，原来丹尼艾格斯今季射门中柱次数多达6次，奥巴美扬亦有4次，「华Dee」好彩啲就只有3次，如果呢啲中柱波角度正少少入晒，成个射手榜就唔同晒，丹尼艾格斯变咗27球排榜首，占美华迪就以26球排第2喇！

修咸顿上盘抵锡

不过呢个世界冇如果，丹尼艾格斯想攞神射手，惟有煞科战靠自己努力；今晚修咸顿主场谢幕斗锡菲联，丹尼艾格斯可以尽情数胡。锡菲联复赛后5场作客只得2和3负，表现极曳，修咸顿让平半，上盘值得捧场。