PSG抢盃大发神威

圣日耳门球星 基利安麦巴比

近4对赛狂数圣伊天

法甲因受新冠肺炎疫情影响腰斩，不过仲有两场盃赛决赛未举行，法甲冠军巴黎圣日耳门（PSG）全力争做4冠王，佢哋今晚会喺巴黎法国球场同圣伊天角逐法足盃锦标，PSG近4次斗圣伊天全部赢晒，当中3次总入球开4球或以上，中位数3.5球大盘值得睇好。

法甲因受疫情影响，早于4月底已宣布腰斩，冠军颁畀停摆前喺联赛榜领先12分嘅PSG，至于两大盃赛决赛经商议后决定继续举行，本周先演法足盃，下周再踢法联盃。

3大球星脚风顺

近年横扫法国球坛嘅PSG上季喺呢两项盃赛都失利，仅获法甲冠军，今季捲土重来，自然以包办国内3大锦标为首要目标，加上一直梦寐以求嘅欧联8强抽好籤，争做4冠王并非空谈，今场作为次关自然不容有失。

PSG近3场热身赛对勒哈弗尔、华斯兰比华伦及些路迪共派20蛋，3大射手尼马、基利安麦巴比及莫路伊卡迪全部有士哥，经停摆后火速重拾状态；圣伊天热身赛亦取得不俗成绩，包括以4比1大胜另一支法甲球队尼斯。睇番双方对赛成绩，PSG近4次全部赢晒，加埋入咗15球，有3次总入球开4球或以上，既然今场PSG让球盘让到2.5/3球，即要淨胜4球先赢晒成个盘，不如转捧3.5球大更划算。