阵前易帅屈福特捱细界

今晚英超头场屈福特主场斗曼城，仍为护级挣扎嘅屈福特，赛前辞退主帅尼祖皮亚臣，严重打击士气；曼城英足盃4强出局，哀兵上阵亦唔见有心踢，加上佢哋近12场作客11场总入球开3球或以下，推介3.5球入球细。

屈福特目前只领先阿士东维拉3分排尾4，护级水深火热，喺呢个关键时刻竟然宣布解僱主帅尼祖皮亚臣，引起球迷哗然。皮亚臣係继查维加西亚同科里斯之后，屈福特今季炒嘅第3位领队，创造咗英超历史，Ｕ23教练穆连斯将出任看守领队，执教剩馀嘅两场比赛。英国传媒报道，屈福特唔少球员对呢个决定非常不满，嚟紧有冇心机护级都难讲。

曼城冇目标或留力

作客嘅曼城喺英足盃4强畀阿仙奴淘汰后，本土赛事冇晒目标，球员士气同样低落，相信领队哥迪奥拿都会畀多啲后生仔上阵，留力嚟紧嘅欧联好过。曼城近12场作客11场总入球开3球或以下，今场拣3.5球细盘係最明智选择。