皇马半场和追多铺

复赛收火作客睇定嚟踢

全力向联赛冠军进发嘅皇家马德里，今轮西甲压轴战作客CF格兰纳达。皇马教练施丹採不愠不火嘅战术挑战锦标，复赛虽然8连胜，但甚少大炒对手，尤其作客更加踢得谨慎，计埋停摆前5场联赛作客，4场同对手半场打和，今场可以再追半场和。

皇马复赛后成功之道，係施丹减低球员无谓消耗，人脚调动得宜，除咗几名主力球员较多上阵，其馀位置都会有些微轮换，但主要係位换位，战术上唔会有太大改动，令到球员们容易适应。此外，复赛后皇马亦甚少大炒对手，唔会採高压主攻，总之目标为本3分到手就得，反而着力做好防守，复赛8战只失2球，有6场保持不失。

现时皇马少踢1场领先巴塞1分，连同呢场剩低3轮联赛，「银河舰队」只要赢2场就可以提早夺冠，形势大好。今场队长沙治奥拉莫斯同丹尼尔卡华积刑满复出，可以进一步巩固后防，继续其稳中求胜战术，向锦标进发。

由于冠军在望，据知皇马正同马德里市长商讨，喺丰收女神广场庆祝西甲捧盃嘅相关方桉，事关喺新冠疫情危机下，皇马同政府方面都要採取全面细緻嘅预防措施。

CF格兰纳达一味靠守

主场嘅CF格兰纳达排联赛第9位，高不成低不就，战意一般，加上以往对亲皇马都输，今场最大目标都係守住后防，输少当赢，撞正皇马呢排近5场联赛作客，4次半场同对手打和，预计今场头45分钟未必分到胜负，捧半场和啱数。