胜利船翻身大作战

神户胜利船中场 恩尼斯达

周三日职开快车，鸟栖砂岩主场迎战神户胜利船。胜利船虽属人气球队，但复赛首战惨败收场，改踢3人防线即告出事，今场急欲反弹必抢攻，佢哋客场出击有前冇后，中位数2.5球嘅入球大可取。

胜利船擅打盃赛，联赛却表现飘忽，上季只排第8位，今季首轮赛和FC横滨1比1，以为联赛停摆后表现会有改善，点知复赛后首战主场对广岛三箭竟惨败0比3。主帅芬克喺该仗突然排352阵式，但习惯4人防线嘅丹卡拿、大崎玲央同渡部博文，明显未适应3后衞阵式，比利时守将华美伦因伤缺阵，都係大败主因。好彩胜利船有「小白」恩尼斯达孭飞，配合山口萤、沙治森柏同戴恩费斯杜格拉斯，攻击力仍有保证，要喺鸟栖砂岩身上取得入球唔难。

鸟栖砂岩失波多

上季护级分子鸟栖砂岩，今季未见起色，头两轮联赛只得1和1负，包括上场淨吞大分三神两蛋，佢哋上季联赛失53球，係失球第4多球队。胜利船为博反弹必抢攻，加上佢哋客场向来有前冇后，连同各项赛事，跨季对上7场作客场场有士哥，其中6次开3球或以上，包括上季联赛造访砂岩大胜6比1，今场捧中位数2.5球嘅入球大更佳。

水手格食格胜算高

同晚衞冕球队横滨水手喺中立场对实力一般嘅湘南比马。水手上季勇夺日职冠军，上仗遭红鑽逼和一肚火，今场更加会抢攻，既然水手近5次联赛对比马4胜1和，优势明显，撑水手赢波开主W。