般尼屈福特求稳吼半和

般尼中场杜韦麦尼尔

今晚英超头场之一，般尼主场迎战「大黄蜂」屈福特。般尼上仗惨败收场，而且射手基斯活特仍未好番，今仗一定稳阵行先，「大黄蜂」要抢分护级，客场唔敢乱嚟，加上两军碰头劲旺半场和，值得再追。

英超停摆3个多月，各队难免状态未起，般尼亦唔例外，重开首仗即惨吞曼城5蛋，尤其失咗第1球后即崩溃，全无还手之力。除此之外，两大前锋基斯活特同艾殊利班尼斯仲未好番，佢哋今季联赛合共入咗17粒，齐齐缺阵攻击力受削弱，连后衞罗比巴迪都伤埋，吸取上仗惨败教训，今仗一定先做好防守。

近4次交手全开半和

屈福特上仗对李斯特城打得唔错，虽然完场前失守，但佢哋喺补时靠后衞奇治戴臣靓波追和，执番身彩。佢哋依家仲喺护级漩涡，仍需努力抢分，特别係对住般尼呢类同级对手，点都要有分落袋，加上快翼迪路菲奥重伤长抖影响攻力，客场出击更加唔敢轻举妄动。

翻查纪录，两军近4次交手全开半场和，其中3次半场波胆为0比0，可见双方初段都係先求稳阵，谋定而后动，预计今仗初段都係拉锯局面，半场和更值得捧场。