利物浦半W破宫

红军天王穆罕默德沙拿

无敌主场快刀斩乱麻

向住英超冠军奖盃进发嘅利物浦，今晚快车赛程主场迎战水晶宫。红军今季主场以霸者姿态杀敌，15场联赛主场全胜，晏菲路绝对係列强「英雄塚」，今场更有「埃及球王」穆罕默德沙拿复出，配合球队近10场联赛主场8次半场领先嘅佳绩，水晶宫点顶得住，捧利物浦半场主胜。

利物浦虽然遥遥领先曼城，封王问题不大，但眼见对方冇放软手脚，红军想提早夺标就唯有靠自己。上场佢哋作客爱华顿上演默西赛德郡打吡，同「拖肥糖」闷和0比0。可能领队高普见「红军」捧盃在即，打吡战刻意收起沙拿，畀佢抖到够，今晚返晏菲路先至搏杀。利物浦连同今仗在内，主场得番4轮赛事，极有机会以主场全胜姿态赢得联赛锦标，当然唔想「打烂斋钵」，必定求尽早入波锁定胜局。

利物浦今季厉害之处，係中前场球员够能迅速入局，尤其主场出击，往往一开波就快攻得手，杀对方一个措手不及。利物浦喺停摆前10场联赛主场赛事，有8次半场就领先对手，被迅速击溃嘅包括曼市双雄同狼队等强队，等閒之辈真係招架唔嚟。

水晶宫斗心成疑

水晶宫现时排中游，不愁降班，抢得欧洲赛入场券机会亦不大，斗心成疑，而且佢哋近3季联赛5次斗红军全败兼失12球，「三叉戟」穆罕默德沙拿、罗拔图法明奴及沙迪奥文尼包办当中10球，今场面对来势汹汹嘅利物浦，睇怕半场就要举手投降，半场主胜值得捧场。