马里迪莫哑火塞图巴尔受让笋

今晚葡超头场由两支中下游分子对碰，马里迪莫主场迎战塞图巴尔。马里迪莫锋力疲弱，今场仲有前锋艾加哥斯达要继续停赛，进一步削弱攻击力，想攻都攻唔嚟。塞图巴尔踢风流波，冇压力随时有惊喜演出，加上对绩往绩佔优，受让下捧让球客胜。

马里迪莫现以24战得24分排第15位，领先尾2嘅朴迪莫伦斯8分，护级压力唔大，佢哋停摆前9场联赛仅得1胜3和5负，当中5场食白果，锋力疲弱欠破关板斧。马里迪莫停摆前3场对比兰伦斯、布拉加同摩里伦斯输晒，仲要全部都係半场落后，球员明显无心恋战。何况表面上今场马里迪莫係主场出击，但闭门作赛冇球迷叫喊声鞭策，班波更加会hea踢。

塞军风流波或有惊喜

塞图巴尔暂排联赛榜第12位，比今场对手马里迪莫多4分，既无降班威胁、争踢欧洲赛机会亦微，名副其实风流波，但心理压力唔大更有助发挥。塞图巴尔停摆前虽然6场联赛不胜，不过当中对手包括「Big 4」波图、布拉加及宾菲加，失分情有可原，当中逼和争紧冠军嘅宾菲加踢出斗心。球队近5次联赛斗马里迪莫获得3胜1和1负，不败率达8成，心理佔优，让球客胜必捧。