士砵亭保前５下盘扫「雷」

葡超传统「3巨头」之一嘅士砵亭今晚作客甘马雷斯，虽然士砵亭1月将主将波基斯费南迪斯卖畀曼联，但阵中仍不乏勐将。呢支葡超「4哥」近5次斗甘马雷斯获4胜1负，充满格食格味道，加上仲要力保「前5」席位，士砵亭作客受让平半，下盘相当抵玩。

士砵亭争标淼茫，但仍要为下届欧洲赛席位努力。士砵亭停摆前仅领先第6位嘅甘马雷斯5分，同时亦落后第3位布拉加4分，绝对不能鬆懈，战意有保证。自中场大将波基斯费南迪斯离队后，士砵亭靠两位南美兵雷斯菲利比及马高斯阿古拿数胡，两人喺联赛已经合共攻入10球，其中马高斯阿古拿首循环主场对甘马雷斯亦有士哥，协助球队赢3比1。

甘马雷斯遇强脚软

甘马雷斯今季成绩唔错，暂排第6位，同样有机会踢欧洲赛。佢哋12场联赛主场输咗4场，事实呢4次主场败仗之中，对手包括前3位球队波图、宾菲加及布拉加，可以话遇强即屈，今场即使有主场之利亦难言稳胜之道，仲要让平半，拣番士砵亭下盘为妙。