蔚山现代神锋祖利亚尼加奥

双料MVP祖利亚弗爆

要数韩职开季头2轮最抢镜球队，非冠军热门蔚山现代莫属！呢支豪华大军开咧后连取2场漂亮胜仗，进攻火力之强亦未有令球迷失望，今日主场迎战新升班嘅釜山偶像，有如饿虎擒羊，1.42倍主胜十拿九稳，绝对值得热捧。

蔚山现代季前大事扩军，论球员质素可以话係大超班，唯一令人担心嘅默契问题，经过头2轮之后，疑虑亦一扫而空。继开锣战4比0大炒尚州尚武后，上场又喺落后2球下反胜水原蓝翼3比2，绝地反击赢波更令士气高昂。巴西前锋祖利亚尼加奥连续2场梅开二度，接连两周当选K联赛最佳阵容MVP，状态弗到漏油，星级新兵李青龙上场亦交出助攻，强如挪威前锋比安庄臣都要坐喺后备席等机会，主帅金度勳场场为拣人头痛，个个球员都会打醒十二分精神，蔚山强势难以抵挡！

姜敏寿倒戈难抗旧主

採取主攻踢法嘅釜山偶像升班后，似乎仍未适应韩职节奏，连续2场都係有好表现下输波，尤其蔚山旧将姜敏寿年事已高，防线应付高空波出现极大漏洞，上场对全北汽车所失2球，都係被对方高波传中攻陷。釜山偶像纵使踢出悦目嘅组织，但效率却係偏低，变成好睇唔好食。翻查往绩，蔚山近4次对釜山取得3胜1和佳绩，目前无论各方面都喺对手之上，主胜实食冇黐牙！