比勒费尔德箭头法比安高路斯

今晚《东网》另一场免费德乙直播，榜首比勒费尔德主场迎战奥斯纳贝克。比勒费尔德领先2哥史特加6分，形势大好，而且佢哋对上4场联赛主场全胜兼冇失波，主Ｗ固然可作重心之选，如果求好分不妨捧埋半场主胜。

比勒费尔德今季联赛得球及失球数字都係德乙最佳，长期保持上佳状态。佢哋歇冬后7场联赛5胜2和未输过，2场和波对手分别係主场特醒嘅史特加及奥厄，作客失分情有可原，而且单计主场已经4连胜兼零失球，就算闭门作赛影响亦不大。佢哋虽然都要搞减薪，但照同一啲主力倾续约，目前士气依然维持得唔错。

奥斯纳贝克防线多甩漏

奥斯纳贝克走势刚好相反，歇冬后联赛7战未赢过，后防狂失16球更加冇眼睇。首循环碰头奥斯纳贝克主场都输0比1，作客更难抢分。睇番佢哋今季12场联赛作客半场从未试过领先，单计半场成绩为5和7负，近5场就有4次半场落后，今场除捧1.62倍主Ｗ，2.2倍半场主胜亦可一试。