「圣人」走样爱华顿好细界

英超独脚戏，爱华顿主场迎战「圣人」修咸顿，「拖肥糖」上场打吡战作客击败利物浦，表现令人惊喜。不过，要留意爱华顿主场表现欠佳，考虑到佢哋近5场联赛主场，有4场总入球係2球或以下，加上对手修咸顿积弱已久，预料难以对「拖肥糖」防线构成太大威胁，首选2.5球嘅入球细。

爱华顿上场英超打破宿命，近22年首次联赛作客击败利物浦，除咗因为红军陷入低潮之外，亦同「拖肥糖」今季表现反传统有关。睇番爱华顿今季作客成绩远胜主场，12场联赛主场只取得14分，反而12场作客却有26分。因此，就算佢哋上场作客赢到劲敌利物浦，唔代表今场返回主场可以延续强势。

至于修咸顿踏入2021年之后，表现急转直下，自从爆冷1比0小胜利物浦之后，就好似中咗魔咒，演出严重走样，近8场联赛录得1和7负劣绩，同埋近5场联赛作客有4场未能取得入球，包括同护级球队富咸打和0比0。

丹尼艾格斯脚风唔顺

首席射手丹尼艾格斯脚风非常唔顺，近9次为修咸顿上阵，只有2球进帐。修咸顿最强武器都失灵，更加唔好奢望佢哋可以入到爱华顿波。以修咸顿近6次作客爱华顿，有4次总入球係2球或以下嘅走势，入球细值得追捧。