李城白礼顿细不两立

英足盃16强全英超对碰，李斯特城主场硬撼白礼顿；李城上场虽有射手占美华迪伤愈复出，不过状态明显未足；白礼顿近况唔错，联赛连盃赛近9场只係输过畀曼城，当中近8场有7次开2球或以下，今场拣2.5球细稳阵。

李斯特城射手占美华迪早前受伤，球队先后喺爱华顿及列斯联身上失分，上场作客狼队，呢名34岁前锋终于伤愈后备上阵，可惜喺补时阶段头槌攻门唔中目标，错失绝杀机会，状态明显未返嚟。「狐狸」周末联赛将于主场硬撼利物浦，对于佢哋争逐前4名绝对关键，为免触伤旧患，相信华迪今仗有份落场都唔会去得太尽，李城攻力自然打折扣。

白礼顿防线守得稳

白礼顿踏入2021年后于各项赛事9场只输1仗，唯一输波係作客0比1不敌曼城，其馀先后赢过列斯联、热刺及利物浦等实力分子，绝对唔係靠「符碌」，依家佢哋喺英超领先尾3嘅富咸10分，护级压力稍为纾缓，可以放多啲精神喺盃赛。白礼顿近8场比赛只有1次单场入多过1球，另有4场保持冇失波，亦冇试过失多过1球，7次开2球或以下，稳守突击最啱佢哋发挥，预计今场入波唔会多。