狮吼挞着强势抢W

铁三角攻击掂

周二澳职有场大战上演，近况极勇嘅布里斯班狮吼会喺主场迎战FC麦克阿瑟。主队挟近期联赛4连胜气势，今场赢波即可以杀上1哥位置，喺一众攻击球员都状态火热下，肯定会继续疯狂抢攻；作客嘅FC麦克阿瑟球员个人质素唔差，可惜呢支新军合作性同稳定性都有待改善，狮吼主胜有望开出。

狮吼自开咧战输波后，一众球员迅速磨合并进入状态，近4场联赛录得全胜，状态冠绝全澳职。檀崎龙孔、云素贺尔斯同史葛麦当奴组成嘅进攻铁三角愈踢愈好，上场就包办5比2大破墨尔本胜利嘅5个入球，火力一场比一场提升。狮吼4连胜走势当中，有3场赢超过1球，可见球队有压倒性优势，主场出战当然值得睇好。

麦克阿瑟表现欠稳

FC麦克阿瑟有达比舒利同马高苏沙亚达等星级外援，不过球队始终係新埋班，球员未完全磨合令表现欠稳，上场迎战西悉尼流浪者就喺两度领先下被逼和，近2场联赛狂失5球，可见后防有不少问题，而且球队上仗只靠2个死球攻势入波，组织力仍未成熟，今场造访状态巅峰嘅布里斯班狮吼必处下风。