曼联半场和要爱

「魔性澎湃」后易甩辘

周六英超焦点大战，曼联主场迎战爱华顿。红魔啱啱「魔性澎湃」大炒修咸顿9蛋，但佢哋今季演出飘忽，连续两场主场大炒机会唔高，尤其爱华顿作客比主场发挥更佳，红魔当然会有啲顾忌，唔会太进取，加上曼联近6场联赛4次开半场和，值得再追。

曼联大炒修咸顿9粒，追平英超最大胜仗纪录，而且入球分布7个唔同球员，球队好似重现「魔性」，但渡边年始终觉得，红魔今季稳定性稍嫌不足，球迷唔好因为上次投注曼联收钱，今次一面倒睇好曼联。

翻查赛绩，曼联对上几次喺奥脱福大胜之后，之后一场再于主场出击，都有甩辘情况，例如旧年10月欧联主场大胜RB莱比锡，之后就0比1不敌阿仙奴；11月大胜巴沙克舒希4比1之后，又喺主场1比3不敌巴黎圣日耳门；到1月足总盃3比2气走利物浦，岂料返回联赛对锡菲联竟然爆大冷以1比2倒灶。

爱华顿客战特醒唔易啃

今场曼联对手爱华顿作客成绩比主场更佳，周中作客2比1赢列斯联，近6场联赛作客5胜1和，尤其「拖肥糖」中前场球员伤疲尽起，伊禾比、占士洛迪古斯、李察利臣同卡维特利云可以齐齐上阵，攻力有番咁上下，曼联更不宜轻举妄动。事实上，双方近3次交手，有2次半场不分胜负，加上曼联近6场联赛亦有4次开出半场和，今场再开半场和机会高。